ABŞ-nin texnologiya nəhəngi olan "Nvidia" şirkəti baş direktor Censen Huanqın potensial xələflərini müəyyənləşdirmək məqsədilə kənar bir müəssisə ilə əməkdaşlığa başlayıb.
Oxu.Az xəbər verir ki, bu barədə "Bloomberg" agentliyi öz mənbəsinə istinadən məlumat yayıb.
Məlumata əsasən, texnologiya şirkətinin Direktorlar Şurası daimi rəhbər tapılana qədər bu vəzifəyə müvəqqəti icraedici təyin etmək variantını nəzərdən keçirir.
Məlumatlı şəxslərin sözlərinə görə, noyabrın 11-də Direktorlar Şurası Huanqın şirkətdəki gələcək taleyini müzakirə etmək üçün xüsusi iclas keçirib.
Xatırladaq ki, noyabrın 8-də "Nvidia"nın Direktorlar Şurası Huanqla bağlı daxili araşdırmanın başladığını elan edib. Şirkət rəhbəri özü yazdığı elektron məktubda Çin xeyrinə casusluqda şübhəli bilinən qadınla romantik münasibətlərinin olduğunu etiraf edərək, addımlarına görə tam məsuliyyət daşıdığını vurğulayıb. Çin Xarici İşlər Nazirliyi isə Huanqla əlaqəsi olan qadının bu ölkənin kəşfiyyatına işləməsi ilə bağlı səsləndirilən iddiaları böhtan adlandırıb.
"The New York Times" qəzetinin məlumatına görə, Censen Huanqın, həmçinin "Nvidia"nın səhiyyə məhsulları üzrə vitse-prezidenti Kimberli Pauell ilə də sevgi münasibəti olub.
