"Stepaşka", "Karkuşa" və "Xryuşa"nı səsləndirən aktrisa vəfat etdi

Rusiyada teatr və kino aktrisası Svetlana Xarlap 85 yaşında vəfat edib.

Oxu.Az xəbər verir ki, məlumatı Rusiya Dövlət Akademik Gənclər Teatrının Mətbuat Xidməti yayıb.

Aktrisa öz rollarından daha çox səsləndirmə sahəsində məşhurlaşıb. O, "Gecəniz xeyrə qalsın, uşaqlar" verilişində "Karkuşa", "Stepaşka" və "Xryuşa"nı, eləcə də "ABVQDeyka" verilişlərinin personajlarını səsləndirib.

Onun səsi cizgi filmlərində, reklam çarxlarında və kompüter oyunlarında da eşidilib.