ABŞ Prezidenti Donald Tramp Kiyevlə bağlanan müqavilənin Vaşinqtona istənilən vaxt demək olar ki, istənilən Ukrayna resurslarını əldə etməyə imkan verdiyini bildirdi.
Oxu.Az xəbər verir ki, bu barədə "RIA Novosti" Trampın "Real America's Voice" telekanalına verdiyi müsahibəsinə əsasən məlumat dərc edib.
Bildirilir ki, ABŞ Amerika prezidentinin fikrincə, razılaşma nadir torpaq elementlərini əhatə edir. Dəqiq rəqəm səsləndirilməsə də, bu müqavilənin 300 milyard dollardan qat-qat çox dəyərdə olduğu vurğulanıb.
Bununla yanaşı, Tramp Ukraynanın münbit torpaqlarının və əhəmiyyətli faydalı qazıntı ehtiyatlarının olduğunu xüsusi olaraq diqqətə çatdırıb.
"Biz istədiyimiz zaman ora daxil ola və istədiyimiz, demək olar ki, hər şeyi əldə edə bilərik", - deyə D.Tramp qeyd edib.
Daha əvvəl, Kiyevlə mineral resurslar üzrə sövdələşməni şərh edərkən, Tramp Birləşmiş Ştatların artıq Ukraynada "kiçik bir payının" olduğunu bəyan etmişdi.
