60 kq-da mübarizə aparan Elcan Həsənov Bakıda keçirilən U17 güləş üzrə dünya çempionatında ilk görüşünə çıxıb.
Oxu.Az xəbər verir ki, o, 1/8 final mərhələsində Vitold Pavlik (Polşa) ilə qarşılaşıb.
Görüş rəqibin qələbəsi ilə başa çatıb - 3:2.
Qeyd edək ki, bundan əvvəl Tunar Quliyev (71 kq) və Elgün Kərimli (92 kq) ilk görüşlərində məğlub olmuşdular.
Bundan sonra isə iki güləşçimiz - Tunar Həsənov (48 kq), İbrahim Həsənov (51 kq) xalça üzərinə çıxacaqlar.
92 kq-da mübarizə aparan Elgün Kərimli Bakıda keçirilən U17 güləş üzrə dünya çempionatında ilk görüşünə çıxıb.
Oxu.Az xəbər verir ki, o, Sakşam Fnu (Hindistan) ilə qarşılaşıb.
Son xalı rəqib qazandığı üçün görüş Hindistan təmsilçisinin qələbəsi ilə başa çatıb - 5:5.
Qeyd edək ki, daha əvvəl Tunar Quliyev (71 kq) ilk görüşündə məğlub olmuşdu.
Bundan sonra daha üç güləşçimiz - Tunar Həsənov (48 kq), İbrahim Həsənov (51 kq) və Elcan Həsənov (60 kq) xalça üzərinə çıxacaqlar.
71 kq-lıq kateqoriyada mübarizə aparan Tunar Quliyev Bakıda keçirilən U17 güləş üzrə dünya çempionatında ilk görüşünə çıxıb.
Oxu.Az xəbər verir ki, o, Adilet Risbayla (Qazaxıstan) qarşılaşıb.
Görüş rəqibin qələbəsi ilə başa çatıb - 3:2
Qeyd edək ki, bundan sonra xalça üzərinə Elgün Kərimli (92 kq), Tunar Həsənov (48 kq), İbrahim Həsənov (51 kq) və Elcan Həsənov (60 kq) çıxacaqlar.
Bakıda keçirilən güləş üzrə U17 dünya çempionatının növbəti gününə start verilir.
Oxu.Az xəbər verir ki, bu gün daha beş sərbəst güləşçimiz mübarizəyə qoşulacaq.
Təsnifat mərhələsi
71 kq
Tunar Quliyev - Adilet Risbay (Qazaxıstan)
92 kq
Elgün Kərimli - Sakşam Fnu (Hindistan)
1/8 final
48 kq
Tunar Həsənov - Radoslav Velikov (Bolqarıstan) / Ariun Erdenetuqs (Monqolustan)
51 kq
İbrahim Həsənov - Quarav Bahi (Kanada) / Giorgi Narimanidze (Gürcüstan)
60 kq
Elcan Həsənov - Balaş Hideq (Macarıstan) / Vitold Pavlik (Polşa).
Xatırladaq ki, dünən mübarizəyə qoşulan güləşçilərimiz - Abbas Şəfiyev (55 kq), Rəşid Nazarov (65 kq), Hakim Tağıyev (110 kq), Hüseyn Rzazadə (48 kq) və Nihad Süleymanlı (80 kq) müxtəlif mərhələlərdə məğlub olublar.
Onlardan yalnız biri 48 kq-da mübarizə aparan Hüseyn Rzazadə təsəlliverici görüşdə Amirali İbrahim Fazla qarşılaşacaq.
Xatırladaq ki, yarış Milli Gimnastika Arenasında keçirilir və 60-dan çox ölkədən 700-ə yaxın yeniyetmə güləşçini bir araya gətirib. Azərbaycanı çempionatda 29 idmançı təmsil edir.
Turnirə avqustun 2-də yekun vurulacaq.
Daha çox foto burada: PhotoStock.az
