Tramp: "OPEC Harrisin seçkidəki qələbəsinə köməklik edir"

ABŞ-nin keçmiş prezidenti Donald Tramp bildirib ki, OPEC ölkələri ABŞ-nin vitse-prezidenti Kamala Harrisin seçkidə qalib gələcəyini gözləyərək neft qiymətlərini aşağı salmağa çalışırlar.

Oxu.Az news.ru-ya istinadən xəbər verir ki, o bu siyasətçinin Ağ Evin rəhbərinə çevrilərək ştatları məhv edəcəyini deyib.

"OPEC ölkələri çılğın Kamala Harrisin qalib gələcəyi ümidi ilə neftin qiymətini aşağı salmaq üçün hər şeyi edirlər. O zaman, həqiqətən də, bunun faydasını görəcəklər! O (Harris), ABŞ üçün fəlakət olacaq!" - deyə Tramp bildirib.

Qeyd edək ki, bundan əvvəl ABŞ-li siyasətçi Donald Trampın seçki qərargahı Federal Seçki Komissiyasına şikayət edib. O, Kamala Harrisi seçkidə iştirak etmək üçün ona ötürülən hazırkı dövlət başçısı Co Baydenin vəsaitlərini mənimsəməyə cəhddə ittiham edib.