Türkiyə Prezident Administrasiyasının Kommunikasiya İdarəsi nəzdində fəaliyyət göstərən Dezinformasiyaya Qarşı Mübarizə Mərkəzi (DMM) Prezident Rəcəb Tayyib Ərdoğana aid edilən bəzi ifadələrin həqiqətəuyğun olmadığını açıqlayıb.
Oxu.Az xəbər verir ki, qurumun yaydığı məlumatda sosial şəbəkələrdə paylaşılan "İrana və ya Livana qarşı hücum Türkiyəyə edilmiş sayılır" fikrinin Ərdoğana məxsus olmadığı vurğulanıb.
Bildirilib ki, bu iddialar Türkiyənin regionda sülhə yönəlmiş roluna zərər vurmaq məqsədi daşıyır və ictimaiyyətdə yanlış təsəvvür formalaşdırmağa yönəlib.
Qurum vətəndaşları təsdiqlənməmiş məlumatlara inanmamağa və bu cür paylaşımlara qarşı diqqətli olmağa çağırıb.
