Türkiyədə səhər saatlarında ikinci zəlzələ baş verdi

Türkiyənin Çanaqqala vilayətinin Gökçeada rayonunda 4.6 bal gücündə zəlzələ baş verib.

Oxu.Az xəbər verir ki, bu barədə Türkiyənin Fövqəladə Halların İdarə Olunması Agentliyindən (AFAD) məlumat verilib.

Yeraltı təkan yerli vaxtla saat 8:18-də baş verib. Zəlzələ ocağı 12 kilometr dərinlikdə yerləşib.

09:40

Aralıq dənizinin Antalyanın Qazipaşa rayonu sahillərində 4 bal gücündə zəlzələ baş verib.

Oxu.Az xəbər verir ki, bu barədə Türkiyənin Fövqəladə Halların İdarə Olunması Agentliyi (AFAD) məlumat verib.

Bildirilir ki, Türkiyə vaxtı ilə saat 07:32-də baş verən zəlzələ 67 kilometr dərinlikdə qeydə alınıb.

Dağıntı və insan itkisi barədə məlumat verilməyib.