Türkiyənin baş naziri Rəcəb Tayyib Ərdoğan canlı yayımda gündəmlə bağlı bir sıra açıqlamalar verib.
Oxu.Az ANS PRESS-ə istinadən xəbər verir ki, Ərdoğan internet qanunu ilə əlaqədar olaraq martın 30-da sonra yeni tənzimləmələr ediləcəyini açıqlayıb.
“İnternet qanununa məlum idarələr etiraz etdilər. Edə biləcəyimiz qədərini etdik. O sahədə də martın 30-dan sonra atacağımız yeni addımlar var. Bu mövzuda ciddiyik. Bu milləti Youtube-a, Facebook-a qurban verə bilmərik. Lazım olsa, bağladarıq” - deyə, Ərdoğan internet qanunu ilə bağlı açıqlamasında bildirib.
Qeyd edək ki, ötən gecə Türkiyənin özəl telekanallarından birində jurnalistlərin suallarına cavab verən Ərdoğan sözügedən çıxışında müxtəlif mövzulara toxunub.
