ABŞ prezidentinin xüsusi nümayəndələri Stiv Uitkoff və Kit Kelloq Rusiya və Ukrayna arasında danışıqlarda iştirak etmək üçün İstanbula səfər edəcəklər.
Oxu.Az xəbər verir ki, bu barədə "Reuters" üç diplomatik mənbəyə istinadən xəbər yayıb.
Xatırladaq ki, Vladimir Putin ötən həftə İstanbulda Rusiya və Ukrayna arasında birbaşa təmasların bərpasını təklif edib. Birləşmiş Ştatlar bu addımı alqışlayıb. Bir gün əvvəl isə ABŞ Prezidenti Donald Tramp Rusiya-Ukrayna danışıqlarında iştirak üçün mayın 15-də şəxsən İstanbula uçmaq imkanını nəzərdən keçirdiyini bildirib.
