Venesuelada saxlanılanların sayı iki min nəfərə çatıb

Venesuelada prezident seçkisinin nəticələrinin açıqlanmasından sonra etiraz aksiyalarında iştirak etdikləri üçün saxlanılanların sayı iki min nəfərə yüksəlib.

Oxu.Az "Kommersant"-a istinadən xəbər verir ki, seçkidə qalib gələrək üçüncü dəfə Venesuela Prezidenti olan Nikolas Maduro saxlanılanlara maksimum cəza veriləcəyini vəd edib.

Prezidentin sözlərinə görə, aksiyalarda iştirak etdiklərinə görə saxlanılan şəxslər Tokoron və Tokuyito şəhərlərinin ciddi rejimli həbsxanalarına göndəriləcəklər.

Maduro bildirib ki, iğtişaşçılara əməllərinə görə pul mükafatı vəd edilib.