Venesuelanın Boliviyadakı səfirliyi atəşə tutulub

Boliviyanın paytaxtı La-Pasda Venesuela səfirliyinin binası naməlum şəxslər tərəfindən gülləbaran edilib.

Oxu.Az-ın məlumatına görə, bu barədə Boliviya XİN rəhbəri Selinda Sosa özünün "X" sosial şəbəkəsindəki səhifəsində məlumat verib.

Nazirin sözlərinə görə, cinayətkarlar səfirliyi odlu silahdan bir neçə dəfə atəşə tutublar və fasadın bəzi elementlərini zədələyiblər.

Sosa bildirib ki, ölkə hakimiyyəti bu cür vandalizmi pisləyir.

O, həmçinin hadisə ilə bağlı araşdırmanın başlandığını qeyd edib.