Xamenei BƏƏ və Səudiyyə Ərəbistanını ittiham etdi

Əhvazda terror aktı törədənlər Birləşmiş Ərəb Əmirlikləri (BƏƏ) və Səudiyyə Ərəbistanından maliyyə yardımı alıblar.

Oxu.Az “Anadolu”ya istinadən xəbər verir ki, bunu İranın ali dini lideri Əli Xamenei bəyan edib. 

O bildirib ki, bunu edənlər ən ağır cəza alacaqlar. 

“Bu qorxaq işi ABŞ-ın Suriya və İraqda xilas etdiyi, Səudiyyə Ərəbistanı və BƏƏ-nin pul xərclədiyi şəxslər görürlər”, - deyə o vurğulayıb.

Xatırladaq ki, Əhvazda keçirilən hərbi parad zamanı törədilən terror aktı nəticəsində 28 nəfər ölüb, 60-dan çox adam yaralanıb.

www.oxu.az