Xocalı hadisələrinin şahidi "Haber Global"a danışdı: "O günün ağrı-acısını hələ də hiss edirəm"

Xocalı soyqırımının 33-cü ildönümündə işğaldan azad edilən Xocalı şəhərinə səfər edən "Haber Global" televiziya kanalının əməkdaşı Hasan Uylaş həmin hadisələrin şahidi olan Xocalı sakinini danışdırıb.

Oxu.Az xəbər verir ki, Xocalını tərk edərkən 27 yaşı olan Zakir Səlimov həmin gün Xocalı sakinlərinin soyuq Qarqar çayını keçərək meşələrlə Ağdam istiqamətinə yol almalarını xatırlayıb.

"Həmin gün hava bu günlə müqayisədə dəfələrlə soyuq idi. Camaat dağlıq istiqamətə hərəkət etməyə başladı, çoxu yolu azdı. O insanlar ermənilər tərəfindən əsir götürüldülər.

O zaman keçirdiyim ağrı-acını hələ də hiss edirəm. Bu gecə səhərə qədər gözümə yuxu getməyib. Lakin şükürlər olsun ki, artıq öz torpağımıza qayıda bilmişik. Allah şəhidlərimizə rəhmət etsin", - deyə Zakir Səlimov qeyd edib.

Xocalı hadisələrinin şahidi "Haber Global"a danışdı: "O günün ağrı-acısını hələ də hiss edirəm"