Xorvatiyada prezident seçkisinin nəticəsi açıqlandı

Dekabrın 29-da keçirilmiş prezident seçkisinin birinci turunda Xorvatiya prezidenti postuna səkkiz namizəddən heç biri 50%-dən çox səs toplaya bilməyib.

Oxu.Az xəbər verir ki, bu barədə TASS məlumat yayıb.

Hazırkı prezident Zoran Milanoviç səslərin 99,59%-i sayıldıqdan sonra 49,12% səslə əsas siyasi rəqibi, müstəqil namizəd Draqan Primoratsı qabaqlayaraq birinci yeri tutub. Primorats isə seçicilərin 19,38%-nin dəstəyini qazanıb. Beləliklə, Milanoviç və Primorats 2025-ci il yanvarın 12-də baş tutacaq ikinci turda iştirak edəcəklər.

29 dekabr, 23:00

Xorvatiyada keçirilən prezident seçkisində səsvermə başa çatıb.

Oxu.Az TASS-a istinadən xəbər verir ki, artıq səslərin hesablanması başlayıb.

Dövlət Seçki Komissiyasının (DSK) məlumatına görə, seçici fəallığı 36,09% təşkil edib ki, bu da əvvəlki seçki ilə müqayisədə 2,5 faiz çoxdur.

Qeyd edək ki, Xorvatiya vətəndaşları bazar günü daha beş il müddətinə prezident seçiblər. Dövlət başçısı postu uğrunda 8 nəfər mübarizə aparıb. Favoritlər hazırkı prezident Zoran Milanoviç və onun əsas siyasi rəqibi, hakim Xorvatiya Demokratik Birliyi partiyasının dəstəklədiyi müstəqil namizəd Draqan Primoratsdır.

Əgər birinci turda heç bir namizəd 50%-dən çox səs toplamasa, 14 gün sonra ikinci tur keçiriləcək və burada birinci turda ən çox səs toplayan iki namizəd iştirak edəcək.