Günəş sistemindən keçən qalaktikalararası 3I/ATLAS kometasının qeyri-adi xüsusiyyəti ortaya çıxıb.
Oxu.Az snob.ru-ya istinadən xəbər verir ki, "yadplanetlilərin gəmisi" adlandırılan obyekt öz rəngini dəyişib. Bu barədə Harvard Universitetinin astrofiziki Avi Löb öz bloqunda yazıb.
Çilidəki Avropa Cənub Rəsədxanasının məlumatlarına görə, avqustun sonunda mütəxəssislər kometanın sianid və nikel emissiyalarında kəskin artım qeydə alıblar. Bu, son iki həftə ərzində obyektin öz rənginin qırmızıdan yaşıl rəngə dəyişməsinə səbəb olub.
