20-26 iyul aralığında Yaponiyada 45 nəfər günvurmadan ölüb. 19 minə yaxın şəxs isə günvurma diaqnozu ilə tibb müəssisələrinə yerləşdirilib. Zərərçəkənlərin sayı ötən həftənin göstəriciləri ilə müqayisədə 7.7 mindən çox artıb və bu, 2026-cı il üzrə ən yüksək rəqəm olub.
Oxu.Az xəbər verir ki, bu barədə ölkənin təcili tibbi yardım xidmətinin fəaliyyətinə nəzarət edən İnzibati İşlər və Rabitə Nazirliyi məlumat yayıb.
Günvurma səbəbindən xəstəxanalara gətirilənlər arasında 710-dan çox xəstə üç həftədən artıq müddətə stasionar müalicəyə cəlb edilib. Zərərçəkmişlərin təxminən 58%-ni yaşı 65-dən yuxarı olan şəxslər təşkil edir.
Yaponiyanın bəzi bölgələrində iyulun 21-dən etibarən ardıcıl beş gün ərzində havanın temperaturu +40°C-dən yuxarı qeydə alınıb.
