Yəmən Təl-Əvivin mərkəzinə raket zərbəsi endirdi: Xəsarət alanların sayı artdı

Yəməndən atılan raketin Təl-Əvivin mərkəzi hissəsinə düşməsi nəticəsində azı 30 nəfər xəsarət alıb.

Oxu.Az-ın xəbər verir ki, bu barədə "Ynet" portalı məlumat yayıb.

Bildirilir ki, 16 nəfər evində olarkən yaralanıb və xəstəxanalara yerləşdirilib. Bundan əlavə, daha 14 nəfər bomba sığınacaqlarına qaçarkən xəsarət alıb, onlara yerində tibbi yardım göstərilib. Yeddi nəfərə şok vəziyyətinə görə psixoloqların yardımı lazım olub.

10:23

Yəmən Təl-Əvivə raket zərbəsi endirib. Hücum nəticəsində azı 18 nəfər yaralanıb.

Oxu.Az-ın məlumatına görə, bu barədə Livanın "Al-Mayadeen" telekanalı təcili yardım xidmətinə istinadən məlumat yayıb.

Bildirilir ki, raket səkkiz yaşayış binasından ibarət kompleksin həyətindəki uşaq meydançasına düşüb. Yaralılar xəstəxanalara yerləşdiriliblər.

Güc qurumları hadisə yerində işləyirlər.

İsrail Müdafiə Ordusu (SAXAL) Yəməndən buraxılan raketin qarşısının alınması cəhdinin uğursuz olduğunu etiraf edib.