İslam İnqilabı Keşikçiləri Korpusu (SEPAH) İsrail və ABŞ-nin təcavüzünə cavab olaraq "Həqiqi vəd 4" əməliyyatının yeddinci və səkkizinci mərhələlərinə başlayıb.
Oxu.Az TASS-a istinadən xəbər verir ki, bu barədə SEPAH-ın mətbuat xidməti məlumat yayıb.
Qeyd edək ki, bu gün SEPAH İsrailə və ABŞ-nin regiondakı bazalarına "genişmiqyaslı hücum" başlatdığını elan etmişdi.
İran Silahlı Qüvvələri İsrail ərazisinə yeni raket zərbələri endirməyə başlayıb.
Oxu.Az xəbər verir ki, bu barədə İranın dövlət teleradioşirkəti (IRIB) xəbər yayıb.
Qeyd edək ki, bu gün SEPAH İsrailə və ABŞ-nin regiondakı bazalarına "genişmiqyaslı hücum" başlatdığını elan etmişdi.
İranın İslam İnqilabı Keşikçiləri Korpusu (SEPAH) İsrail ərazisindəki obyektlərə və regionda yerləşən ABŞ hərbi bazalarına genişmiqyaslı hücumun başladığını elan edib.
Oxu.Az xəbər verir ki, bu barədə "Al Hadath" telekanalı məlumat yayıb.
SEPAH-ın bəyanatına əsasən, İran qüvvələri İsrailə və ABŞ-nin Yaxın Şərqdəki bazalarına "ən güclü və ən şiddətli hücuma başlayıblar".
Həmçinin qeyd olunur ki, İran regionda ABŞ-nin 20-dən çox bazasına, İsrail ordusunun komandanlıq binasına və Təl-Əvivdəki müdafiə kompleksinə zərbələr endirib.
İsrail hərbçiləri İran tərəfindən həyata keçirilən yeni raket atəşini qeydə alıblar.
Oxu.Az bildirir ki, bu barədə ordunun mətbuat xidməti məlumat yayıb.
Hava hücumundan müdafiə qüvvələri hücumu dəf etmək istiqamətində fəaliyyət göstərir.
Ölkənin bir sıra bölgələrində, o cümlədən İsrailin şimalında və mərkəzi hissəsində hava həyəcanı elan edilib. Siren səsləri Təl-Əviv ətrafında da eşidilir.
İran qüvvələri Təl-Əviv və İsrailin mərkəzi bölgəsinə doğru 10-dan çox raket buraxıb.
Oxu.Az xəbər verir ki, bu barədə "Al Hadath" telekanalı məlumat yayıb.
Daha əvvəl İsrail ordusunun mətbuat xidməti bildirib ki, İrandan raket buraxıldığı məlum olduqdan sonra bir neçə rayonda hava həyəcanı siqnalları səslənib.
Xatırladaq ki, daha əvvəl İsrailin müdafiə naziri İsrael Kats ölkə ordusunun İrana qarşı preventiv zərbə endirdiyini açıqlamışdı. Əməliyyat "Şir nəriltisi" adlandırılıb. Hər iki ölkə hava məkanını bağlayıb.
Daha sonra ABŞ Prezidenti Donald Tramp ABŞ-nin də İrana qarşı hərbi əməliyyatda iştirak etdiyini bəyan edib. Pentaqonun məlumatına görə, ABŞ əməliyyatı "Epik qəzəb" adlandırıb.
İran isə öz növbəsində, İsrailə onlarla ballistik raket atıb. İsrail Müdafiə Ordusu buraxılışları təsdiqləyib, ölkə boyu hava həyəcanı siqnalları səslənir, hava hücumundan müdafiə sistemləri işləyir.
Bundan əlavə, İran Yaxın Şərq üzrə ABŞ bazalarına - Qətər, BƏƏ, Bəhreyn, İraq, Səudiyyə Ərəbistanı və İordaniyada yerləşən obyektlərə zərbələr endirib. İran öz əməliyyatını "Doğru vəd 4" adlandırıb.
