Yəməndə yanacaqdoldurma məntəqəsində partlayış: Ölən və yaralananlar var

Yəmənin Bəyda əyalətində husi üsyançı Ənsar Allah hərəkatının nəzarəti altında olan yanacaqdoldurma məntəqəsində partlayış baş verib.

Bu barədə Oxu.Az TASS-a istinadən xəbər verir.

Hadisə nəticəsində azı 15 nəfər ölüb, onlarla insan yaralanıb.

Məlumata görə, Əz-Zaher bölgəsinin Əl-Məcriş rayonunda dörd yanacaqdoldurma qurğusu partlayıb. Xəsarət alanların sayı 70 nəfəri ötüb, onlar tibb müəssisələrinə yerləşdiriliblər.

Əs-Təvra xəstəxanası çoxlu sayda itki ilə əlaqədar yerli sakinləri qan verməyə çağırıb.