Astarada qatar yoluna çıxan piyadanın ayağı amputasiya olunub

Astarada qatarın vurduğu piyadanın son durumu açıqlanıb.

Lənkəran rayon Mərkəzi Xəstəxanasının ictimaiyyətlə əlaqələr üzrə mütəxəssisi Zamin Rzayev APA-ya açıqlamasında bildirilib ki, bu gün saat 03:25-də Astara rayonu Böyük Şahağacı kəndində baş vermiş hadisə nəticəsində bir nəfər (kişi cinsli) sağ ayağın topuq nahiyəsinin amputasiyası, sol ayaq barmaqlarının travmatik amputasiyası diaqnozu ilə Lənkəran Rayon Mərkəzi Xəstəxanasının Təcili və Təxirəsalınmaz Tibbi Yardım Şöbəsinə hospitalizasiya olunub.

Yaralıya zəruri ilkin tibbi xidmətlər göstərilib, vəziyyətinə uyğun olaraq dərhal cərrahi əməliyyata alınıb, hazırda müalicəsi Reanimasiya şöbəsində davam etdirilir.

Vəziyyəti ağır qiymətləndirilir.

Astarada qatar yoluna çıxan piyadanın ayağı amputasiya olunub

08:45

Astarada qatar piyadanı vurub.

Oxu.Az APA-ya istinadən bildirir ki, hadisə Qamışoba kəndində, dəmir yolu stansiyasına yaxın ərazidə baş verib.

Astara rayonunun Şahağacı kənd sakini, 1990-cı il təvəllüdlü Məhərrəm Ağaboli oğlu Quliyev dəmir yolu xətti keçidində qatarın qarşısına çıxıb və qatar onu vurub.

Əsasən, ayaqlarından ağır travma alan şəxs Lənkəran Rayon Mərkəzi Xəstəxanasına çatdırılıb və əməliyyat edilib.

Faktla bağlı araşdırma aparılır.