Ağcabədidə bıçaq xəsarətləri alan ər və arvadın son vəziyyəti məlum olub.
Bu barədə Oxu.Az-a Tibbi Ərazi Bölmələrini İdarəetmə Birliyindən (TƏBİB) məlumat verilib.
Qeyd olunub ki, iyulun 16-da saat 14:30-da xəsarət alan iki nəfər - 1993-cü il təvəllüdlü kişi və 1999-cu il təvəllüdlü qadın Ağcabədi Rayon Mərkəzi Xəstəxanasına hospitalizasiya olunublar:
"Hər iki pasiyentə döş qəfəsinin sol tərəfinin ön səthinin kəsilmiş-deşilmiş yarası diaqnozu təyin edilib. Hazırda onların müalicəsi tibb müəssisəsinin müvafiq şöbəsində davam etdirilir. Pasiyentlərin vəziyyəti orta ağır qiymətləndirilir".
Məhərrəm Əliyev
Ağcabədi rayonunda qadın və həyat yoldaşı bıçaq xəsarəti ilə xəstəxanaya çatdırılıblar.
Oxu.Az-ın məlumatına görə, hadisə dünən günorta saatlarında rayonun Ağabəyli kəndində qeydə alınıb.
Belə ki, 1993-cü il təvəllüdlü Əlimərdan Ağayev və həyat yoldaşı - 1999-cu il təvəllüdlü Mehparə Ağayevaya əməliyyat olunublar.
İlkin ehtimala görə, Ə.Ağayev əvvəlcə arvadı M.Ağayevanı bıçaqlayıb, daha sonra həmin bıçaqla özünə xəsarət yetirib.
Hadisə yerinə polis əməkdaşları gəliblər.
Faktla bağlı araşdırma aparılır.
