Bakı-Ələt magistral yolunun Qobustan qəsəbəsindən keçən hissəsində körpü çöküb.
Oxu.Az xəbər verir ki, hadisə bu gün saat 16 radələrində qeydə alınıb.
Belə ki, körpünün asfalt örtüyünün çökməsi nəticəsində yolda dərin yarıq yaranıb. Həmin an ərazidən keçən yük avtomobili idarəetməni itirərək yarığa düşüb. Hadisə magistralda nəqliyyatın hərəkətini tamamilə dayandırıb. Hazırda yolda kilometrlərlə uzanan tıxac müşahidə olunur.
Hadisə yerindən görüntüləri təqdim edirik:
Bu gün saat 16 radələrində Bakı-Ələt magistralının Qobustan qəsəbəsindən keçən hissəsində körpüdə çökmə baş verib.
Oxu.Az "Qafqazinfo"ya istinadla xəbər verir ki, hadisə zamanı yük avtomobili çökən hissəyə düşüb.
Hadisə nəticəsində ərazidə böyük tıxac yaranıb.
Azərbaycan Avtomobil Yolları Dövlət Agentliyindən (AAYDA) sorğumuza cavab olaraq bildirilib ki, qurumun əməkdaşları artıq əraziyə cəlb ediliblər:
"Hadisə yerində təhlükəsizlik tədbirləri görülüb və mütəxəssis qrupu göndərilib. Araşdırmadan sonra körpüyə dəymiş zərər müəyyən ediləcək və müvafiq tədbirlər görüləcək".
