Biləsuvar rayonunun Aşağı Cürəli kəndinin sakinləri ölümlə nəticələnən bədbəxt hadisə barədə danışıblar.
Onlar Baku TV-yə açıqlamalarında "Niva" markalı maşının sükanı arxasında infarkt keçirərək dünyasını dəyişən 66 yaşlı Əlizadə Əliyevin zəhmətkeş insan olduğunu və zavodda çalışdığını bildiriblər.
"Şəkər xəstəsi idi. Yəqin ki, şəkəri düşüb, ürəyi tutub və avtomobil kanala düşüb", - deyə sakinlərdən biri qeyd edib.
Faktla bağlı araşdırma aparılır.
Biləsuvar rayonunda yol-nəqliyyat hadisəsi baş verib.
Oxu.Az-ın əldə etdiyi məlumata görə, hadisə Aşağı Cürəli kəndində əkin sahələrinə gedən torpaq yolda baş verib.
"Niva" markalı avtomobilin sürücüsü, 1960-cı il təvəllüdlü Əlizadə Əliyev sükan arxasında infarkt keçirib. Bundan sonra avtomobil yol kənarındakı kanala düşüb. Sürücü həyatını itirib.
Əlizadə Əliyev rayon ərazisində fəaliyyət göstərən pambıq şirkətlərinin birində aqronom kimi çalışırmış.
Faktla bağlı araşdırma aparılır.
