Qax rayonunda baş verən yol-nəqliyyat hadisəsi ilə bağlı yeni təfərrüat məlum olub.
Oxu.Az-ın əldə etdiyi məlumata görə, hadisə bu gün günorta saatlarında rayon ərazisində qeydə alınıb.
Belə ki, "Mercedes" və "Niva" markalı avtomobillər toqquşub.
Nəticədə "Niva"nın sərnişini, 12 yaşlı S.Babazadə (oğlan) hadisə yerində ölüb, həmin avtomobildə olan digər sərnişinlər - 42 yaşlı Zizə Babayeva, 5 yaşlı İsaq (oğlan), sürücü 46 yaşlı Ruslan Babayev (hamısı bir ailənin üzvüdür), həmçinin "Mercedes"in sürücüsü, 33 yaşlı Mehman Rüstəmli xəsarət alıblar.
Faktla bağlı cinayət işi başlanılıb, araşdırma aparılır.
Məhərrəm Əliyev
Qaxda ağır yol-nəqliyyat hadisəsi baş verib, ölən və xəsarət alanlar var.
Oxu.Az "Report"a istinadla xəbər verir ki, hadisə Qax-Qorağan avtomobil yolunun rayonun Əlibəyli kəndi ərazisindən keçən hissəsində qeydə alınıb.
Belə ki, hərəkətdə olan "Mercedes" və "Niva" markalı minik avtomobillərinin toqquşması nəticəsində bir neçə nəfərin ağır bədən xəsarətləri aldığı, bir azyaşlının isə öldüyü bildirilir.
Yaralılar Qax Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
