"Report" İnformasiya Agentliyinin redaktoru Samirə Abdullayevanın adından Rusiya mobil nömrəsi ilə "Telegram" sosial şəbəkəsində saxta profil açılaraq bir sıra məlumatlar yayılıb.
Oxu.Az xəbər verir ki, bu barədə "Report" məlumat paylaşıb.
Bildirilib ki, saxta profildə guya "Report" İnformasiya Agentliyin saytında dərc olunan materiallar yayılıb və Samirə Abdullayevanın adından saxta bəyanat paylaşılıb.
"Report" İnformasiya Agentliyi bildirir ki, Samirə Abdullayevaya məxsus sosial şəbəkə hesabları Azərbaycanda fəaliyyət göstərən mobil rabitə operatoruna aid nömrə vasitəsilə açılıb və saxta profilin ona heç bir aidiyyəti yoxdur.
"Report" İnformasiya Agentliyi bildirir ki, saxta profildə yayılan məlumatlar həqiqəti əks etdirmir. Agentliyin istehsal etdiyi xəbər və məqalələr report.az rəsmi saytında və sosial media hesablarında yerləşdirilir. "Report" İnformasiya Agentliyi oxucuları yalnız rəsmi saytda olan xəbərlərdən istifadə etməyə çağırır.
