Sumqayıtda emalatxanada baş verən partlayışda xəsarət alan şəxsin VƏZİYYƏTİ AÇIQLANDI

Sumqayıt şəhərində fəaliyyət göstərən emalatxanada ötən gün axşam saatlarında baş verən partlayış nəticəsində xəsarət alan şəxsin son vəziyyəti açıqlanıb.

Sumqayıt Tibb Mərkəzindən Oxu.Az-ın sorğusuna cavab olaraq bildirilib ki, həmin şəxs iltizamnamə əsasında ambulator müalicə üçün evə buraxılıb.

"Sumqayıtda baş verən partlayış səbəbi ilə mayın 7-si, saat 22:30-da Sumqayıt Tibb Mərkəzinin Təcili Tibbi Yardım Xəstəxanasına 1997-ci il təvəllüdlü şəxs (kişi cinsli) hospitalizasiya olunub.

Başın, boyunun və gövdənin birinci dərəcəli termiki yanığı diaqnozu təyin edilən şəxsə Təcili tibbi yardım şöbəsində zəruri tibbi yardımlar göstərilib", - deyə məlumatda bildirilir.

Əzizə İsmayılova

10:51

Sumqayıt şəhərində fəaliyyət göstərən emalatxanalardan birində partlayış olub.

Oxu.Az "Report"a istinadən xəbər verir ki, hadisə şəhərin "İnşaatçılar" yaşayış massivində yerləşən metaləritmə emalatxanasında qeydə alınıb.

Məlumata görə, hadisə emalatxanadakı sobanın partlaması nəticəsində baş verib.

Partlayış nəticəsində emalatxanada fəhlə işləyən, 1997-ci il təvəllüdlü Ağasəlim Abduləli oğlu Cəlilov xəsarət alaraq xəstəxanaya yerləşdirilib.

Faktla bağlı araşdırma aparılır.