Tovuzda çilingər sexində PARTLAYIŞ: Xəsarət alanların adları AÇIQLANDI

Bu gün Tovuz şəhərinin Təzə Bazar adlanan ərazisində çilingər sexində baş verən partlayış zamanı xəsarət alan şəxslərin kimliyi məlum olub.

APA-nın məlumatına görə, xəsarət alanlar Tovuz sakini 1992-ci il təvəllüdlü Rasim Sahib oğlu Rüstəmov və Tovuz Bozalqanlı kənd sakini 1966-cı il təvəllüdlü Ələddin İsrafil oğlu Quliyevdir.

16:25

Tovuzda partlayış olub.

Oxu.Az APA-ya istinadən xəbər verir ki, hadisə Tovuz şəhərinin Təzə Bazar adlanan ərazisində qeydə alınıb.

Sözügedən ərazidə yerləşən çilingər sexində yanacaq çənini doğrayan zaman partlayış olub.

Nəticədə iki nəfər xəsarət alıb.

Əraziyə Fövqəladə Hallar Nazirliyinin və hüquq-mühafizə orqanlarının əməkdaşları cəlb olunublar.