Beynəlxalq Şahmat Federasiyası (FIDE) 2022-ci ildə Ümumdünya Şahmat Olimpiadasının Rusiyada keçirilməyəcəyini açıqlayıb.
“FIDE Şurası 44-cü Şahmat Olimpiadasının, o cümlədən fiziki məhdudiyyətli oyunçular üçün yarışların, eləcə də FİDE Konqresinin Rusiyada keçirilməməsinə qərar verib. Biz olimpiadanın başqa təşkilatçısını tapmaq və FIDE-nin 2022-ci il Konqresinin keçirilmə yeri və tarixləri barədə vaxtında məlumat vermək üçün əlimizdən gələni edəcəyik”, – FIDE-nin rəsmi saytında yerləşdirilən məlumatda bildirilib.
Xatırladaq ki, 2022-ci ildə Minskdə keçirilməli olan Ümumdünya Şahmat Olimpiadası 2020-ci ilin dekabrında Rusiyaya köçürülüb.
