2024-cü ilin ilk ayında 3 futbolçu dünyada hamıdan çox qol vurub.
“Report”un Beynəlxalq Futbol Tarixi və Statistikaları Federasiyasının (IFFHS) rəsmi saytına istinadən məlumatına görə, bunlar Kilian Mbappe, Evanilson və Samuel Pançottidir.
Adıçəkilən oyunçuların hər biri yanvarda hesabına 7 qol yazdırıb. Çıxış etdiyi liqanın reytinqinə görə, Mbappe birinci pillədə yer alıb.
Azərbaycanda çıxış edən futbolçulardan heç biri siyahıya düşə bilməyib. Premyer Liqa iştirakçıları arasında yanvarda ən çox qola “Qarabağ”ın yarımmüdafiəçisi Abdullah Zubir imza atıb. Fransalı ölkə çempionatı və kubokunun hərəsində 2 olmaqla, ümumilikdə 4 qol vurub.
| Futbolçu | Ölkəsi | Klubu | Qol | |
| 1 | Kilian Mbappe | Fransa | PSJ | 7 |
| 2 | Evanilson | Braziliya | “Portu” (Portuqaliya) | 7 |
| 3 | Samuel Pançotti | San Marino | “Folqore” | 7 |
| 4 | Aymen Hussein | İraq | “Əl Caviya” | 6 |
| 5 | Duşan Vlahoviç | Serbiya | “Yuventus” (İtaliya) | 6 |
| 6 | Vissam Ben Yedder | Fransa | “Monako” | 6 |
| 7 | Viktor Qyökeres | İsveç | “Sportinq” (Portuqaliya) | 6 |
| 8 | Luuk de Yonq | Niderland | PSV | 6 |
| 9 | İqor Tyaqo | Braziliya | “Brügge” (Belçika) | 6 |
| 10 | Cengiz Ündər | Türkiyə | “Fənərbağça” | 6 |
| 11 | Rey Manaj | Albaniya | “Sivasspor” (Türkiyə) | 6 |
| 12 | Mişi Batşuayi | Belçika | “Fənərbağça” (Türkiyə) | 6 |
| 13 | Qonzalo Mastriani | Uruqvay | “Amerika Mineyro” (Braziliya) | 6 |
| 14 | Aleks Ambrozini | İtaliya | “La Fiorita” (San Marino) | 6 |
| 15 | Lukas Silva | Braziliya | “Vofoo Tai Po” (Honkonq) | 6 |
| 16 | Yussef Ezzejjari | İspaniya | “Visaka” (Kamboca) | 6 |
Rəylər