Azərbaycanın futbol üzrə U-21 yığmasının baş məşqçisi Yaşar Vahabzadə istefaya göndərilib.
Oxu.Az-ın xəbərinə görə, Avro-2019-un təsnifat mərhələsi çərçivəsində İsrail (1:3) və İrlandiya (1:3) yığmalarından ardıcıl iki məğlubiyyətdən sonra Y.Vahabzadə və AFFA-nın baş katibi Elxan Məmmədov arasında görüş keçirilib.
Baş məşqçi oyunlar barədə hesabat verdikdən sonra, tərəflər müqaviləyə xitam verilməsi barədə qərara gəliblər.
Xatırladaq ki, Yaşar Vahabzadənin rəhbərliyi altında Azərbaycanın 23 yaşadək futbolçulardan ibarət milli komandası Bakı 2017 IV İslam Həmrəyliyi Oyunlarının qalib olub.
S.B.
www.oxu.az
