AFFA prezidenti: "Futbolçuların əsgərliklə bağlı problemləri səlahiyyətimiz çərçivəsində deyil"

"Ümid edirik ki, futbolçuların hərbi xidmətə göndərilməsi ilə bağlı məsələdə də müsbət nəticə əldə edərik".

Oxu.Az xəbər verir ki, AFFA-nın prezidenti Rövşən Nəcəf bunu mətbuat konfransında futbolçuların hərbi xidmətə göndərilməsi məsələsi ilə bağlı açıqlamasında deyib.

"Azərbaycan Respublikasında səfərbərliklə bağlı qanunlar var. Biz aidiyyəti qurumlarla müzakirələr aparırıq. Ümid edirik ki, burada da müsbət nəticə əldə edərik. Bu, AFFA-nın səlahiyyəti çərçivəsində deyil. Klublar bizə müraciət edir, biz də aidiyyəti qurumlarla əlaqəyə keçirik", - deyə R.Nəcəf qeyd edib.

Anar Həsənov