UEFA Millətlər Liqasının qrup mərhələsində 10 qarşılaşma keçirilib.
Oxu.Az xəbər verir ki, VI turun mərkəzi görüşü Almaniya və Niderland milliləri arasında baş tutub.
Berlindəki "Olimpiyaştadion"da keçirilən qarşılaşma meydan sahiblərinin 5:0 hesablı qələbəsi ilə yekunlaşıb.
Almaniya millisi ilk hissənin sonlarına yaxın hesabı açıb. Görüşün 41-ci dəqiqəsində komandanın kapitanı Coşua Kimmixin ötürməsindən sonra Derri Şerhant fərqlənib - 1:0.
60-cı dəqiqədə Florian Virts Almaniyanın üstünlüyünü iki topa çatdırıb. Beş dəqiqə sonra əvəzetmədən meydana çıxan Brayyan Qruda Niklas Şlotterbekə məhsuldar ötürmə edib və müdafiəçi hesabı 3:0-a çatdırıb.
71-ci dəqiqədə Virts Qrudanın ötürməsini qolla tamamlayaraq dubl edib - 4:0. 77-ci dəqiqədə isə Qruda özü fərqlənərək matçın yekun hesabını müəyyənləşdirib - 5:0.
Bu qələbədən sonra Almaniya millisi 11 xalla II qrupda birinci yeri tutub. Niderland və Yunanıstan da eyni xala malik olsalar da, top fərqinə görə müvafiq olaraq ikinci və üçüncü pillələrdə qərarlaşıblar.
Digər görüşlərdə aşağıdakı nəticələr qeydə alınıb:
A Liqası, II qrup
Yunanıstan - Serbiya - 1:0.
B Liqası, I qrup
Şimali Makedoniya - Sloveniya - 0:3;
İsveçrə - Şotlandiya - 4:0.
C Liqası, III qrup
Farer adaları - Moldova - 1:0;
Qazaxıstan - Slovakiya - 2:2.
IV qrup
Estoniya - Bolqarıstan - 2:1;
İslandiya - Lüksemburq - 3:0.
D Liqası, I qrup
Cəbəllüttariq - Malta - 1:1.
II qrup
Litva - Lixtenşteyn - 2:1.