Ançelotti "Real"ı tərk edəcək?

"Real Madrid"in baş məşqçisi Karlo Ançelotti mövsümün sonunda komandanı tərk edəcəyi ilə bağlı yayılan xəbərləri təkzib edib.

Oxu.Az xəbər verir ki, bu barədə sport-express.ru məlumat verib.

Mütəxəssis qeyd edib ki, Florentino Peresin "Real"ın prezidenti kimi müddəti başa çatanadək qədər klubda qalmaq istəyir.

"Bir şeyi aydınlaşdırmaq istəyirəm: "Real"dan ayrılmaq barədə qərar vermək fikrində deyiləm. Bu qərarı mən yox, klub verməlidir. Mən qəti şəkildə "Real Madrid"dən ayrılmaq fikrində deyiləm. Ümid edirəm ki, Pereslə 2029-cu ilə qədər qalacağam. Dörd ildən sonra onunla birlikdə getmək və klubla möhtəşəm vida mərasimi keçirmək əla olardı", - jurnalist Fabrizio Romano Ançelottidən sitat gətirir.

Xatırladaq ki, Ançelottinin Madrid komandası ilə müqaviləsi 2026-cı ilin yayına qədərdir. O, daha əvvəl 2013-2015-ci illərdə komandaya rəhbərlik edib, və yenidən 2021-ci il klubun sükanı arxasına keçib.