"Araz-Naxçıvan" Azərbaycan Premyer Liqasında tarixə düşüb

Azərbaycan Premyer Liqasının XVI turu lider dəyişikliyi ilə əlamətdar olub.

Oxu.Az xəbər verir ki, "Araz-Naxçıvan" "Səbail" üzərində 2:0 hesablı qələbə ilə xallarının sayını 39-a çatdırıb.

Bununla da Elmar Baxşıyevin yetirmələri 1-ci pilləyə yüksəliblər. Bir xal geri qalan "Qarabağ"ın ehtiyatda bir oyunu qalsa da, Naxçıvan təmsilçisi turu zirvədə bitirib.

Bu, ölkə çempionatları tarixində ilk belə hadisədir. "Araz-Naxçıvan" bunadək heç vaxt turu 1-ci yerdə bitirməyib.

Qeyd edək ki, Naxçıvan klubu Premyer Liqada 4-cü mövsümünü keçirir.