Azərbaycan Basketbol Liqasında 1-ci turun oyunları keçirilib.
Oxu.Az xəbər verir ki, "Ordu" klubu ilk turda səfərdə "Sumqayıt" komandası ilə qarşılaşıb. Oyunu yüksək səviyyədə keçirən komanda rəqibini 103-80 hesabı ilə məğlub edib. Beləliklə, "Ordu" klubu tarixində keçirdiyi ilk rəsmi oyunda qələbə qazanaraq növbəti mərhələyə keçid imkanı əldə edib.
Bundan başqa, Azərbaycan Basketbol Liqasının açılış matçından əvvəl basketbolçular arasında xüsusi "DUNK" müsabiqəsi də keçirilib. Bu müsabiqədə oyunçular öz texniki bacarıqlarını nümayiş etdiriblər. Burada "Sabah", "Sərhədçi", NTD və "Abşeron" klublarının oyunçuları ilə mübarizə aparan "Ordu" klubunun üzvü Brendon Tucker ən yaxşı nəticə göstərərək "DUNK" müsabiqəsinin qalibi olub. Ona qalib kimi 1000 manat mükafat təqdim olunub.
