Azərbaycan millisinin futbolçusu klubunu dəyişdi

Azərbaycan milli komandasının futbolçusu Coşqun Diniyev klubunu dəyişib.

Oxu.Az xəbər verir ki, 30 yaşlı yarımmüdafiəçi çıxış etdiyi Türkiyənin "Bandırmaspor" komandasından 1-ci liqanın digər təmsilçisi "Çorum" klubuna keçib.

Millimizin futbolçusunun yeni klubu ilə 1,5 ilik müqavilə imzaladığı bildirilir.

"Çorum" hazırda turnir cədvəlində 23 oyundan 35 xalla 7-ci yeri tutur və Superliqaya vəsiqə uğrunda yarışır.

Qeyd edək ki, C.Diniyev bu mövsüm Türkiyə 1-ci liqasında 20 oyunda meydana çıxıb, 2 qolun ötürməsini edib.