"Qarabağ"a geri qayıdacağı iddia edilən İbrahim Şehiç "Çorum" klubunda çıxış edəcək.
Oxu.Az xəbər verir ki, 36 yaşlı qapıçının "Qarabağ"a geridönüşü bəzi səbəblərə görə baş tutmayıb.
O, Türkiyəyə qayıdıb və orada Birinci Liqa klubu ilə anlaşıb.
Belə ki, Şehiç qarşıdakı mövsümə "Çorum"da başlayacaq.
"Qarabağ"ın sabiq üzvü son olaraq Səudiyyə Ərəbistanında "Əl-Halic" klubunun qapısını qoruyub. O, "Jelezniçar", "Mersin İdman Yurdu", "Erzurumspor", "Konyaspor" klublarının formasını geyinib.
Qeyd edək ki, Azərbaycan millisinin futbolçusu Coşqun Diniyev də "Çorum" klubunda çıxış edir.
