Azərbaycan millisinin gimnastı Dünya Kubokunun finalına yüksəldi

Xorvatiyanın Osiyek şəhərində idman gimnastikası üzrə dünya kuboku keçirilir.

Oxu.Az xəbər verir ki, Azərbaycan millisinin üzvü Nikita Simonov halqalarla hərəkətlərdə finala yüksəlib.

O, təsnifatda dördüncü nəticəni göstərib - 14.333. Bu yarışda türk Adem Asil (14.400) birinci yerdən finala yüksəlib.

Qeyd edək ki, Simonov dünya kubokunun ümumi turnir cədvəlinə başçılıq edir. O, Bakıda mərhələnin qalibi olub, Almaniyanın Kottbus və Türkiyənin Antalya şəhərlərində gümüş medal qazanıb.