Dünya çempionatı: Çexiya - BƏƏ oyununda 11 qol vuruldu

Çexiya millisi Bakıda təşkil olunan minifutbol üzrə dünya çempionatında BƏƏ yığmasını məğlub edib.

Oxu.Az xəbər verir ki, G qrupunun oyunu Milli Gimnastika Arenasında baş tutub.

Çempionatın ikinci gününün son qarşılaşması Avropa təmsilçisinin 9:2 hesablı qələbəsi ilə yekunlaşıb.

Qeyd edək ki, qrupun digər matçında Gürcüstan yığması Argentina millisini 6:1 hesabı ilə məğlub edib. Hərəyə 6 xalı olan Gürcüstan və Çexiya yığmaları pley-off mərhələsini vaxtından əvvəl təmin ediblər.

21:45

Bakıda keçirilən minifutbol üzrə dünya çempionatında Tailand İndoneziya yığmasına qalib gəlib.

Oxu.Az xəbər verir ki, Milli Gimnastika Arenasında baş tutan E qrupunun II turunun matçında birincilər 4:0 hesablı qələbəyə seviniblər.

Qeyd edək ki, bu qrupun digər görüşündə Monteneqro Kosta-Rikanı 9:0 hesabı ilə məğlub edib.

20:42

Bakıda təşkil olunan minifutbol üzrə dünya çempionatında daha bir oyun keçirilib.

Oxu.Az xəbər verir ki, E qrupunun Milli Gimnastika Arenasında baş tutan görüşündə Monteneqro yığması Kosta-Rika millisini darmadağın edib.

Qarşılaşma avropalıların 9:0 hesablı qələbəsi ilə yekunlaşıb.

Qeyd edək ki, bu qrupun digər matçında, saat 20:45-də Tailand - İndoneziya yığmaları üz-üzə gələcəklər.

19:30

Bakıda təşkil olunan minifutbol üzrə dünya çempionatında daha bir oyun keçirilib.

Oxu.Az xəbər verir ki,, H qrupunun II turunda İspaniya yığması Serbiya ilə üz-üzə gəlib.

Milli Gimnastika Arenasında gerçəkləşən qarşılaşma serblərin 4:1 hesablı qələbəsi ilə başa çatıb.

Qeyd edək ki, qrupun digər görüşündə İsrai Qanaya 4:0 hesabı ilə qalib gəlib.

17:47

Bakıda təşkil olunan minifutbol üzrə dünya çempionatında daha bir oyun yekunlaşıb.

Oxu.Az xəbər verir ki, Milli Gimnastika Arenasında reallaşan qarşılaşmada Gürcüstan və Argentina milliləri üz-üzə gəliblər.

G qrupunun oyununda Avropa təmsilçisi Cənubi amerikalıları 6:1 hesabı ilə məğlub ediblər.

Qeyd edək ki, ilk turda Gürcüstan BƏƏ-ni (2:0), Çexiya isə Argentinanı məğlub (2:1) edib.

16:34

Bakıda təşkil olunan minifutbol üzrə dünya çempionatında daha bir oyun başa çatıb.

Oxu.Az xəbər verir ki, Milli Gimnastika Arenasında F qrupunun Bosniya və Herseqovina - Qazaxıstan yığmaları arasında keçirilən matçında tərəflər hərəyə bir dəfə fərqləniblər - 1:1.

Xatırladaq ki, ilk turda Polşa Qazaxıstana 2:1, Bosniya və Herseqovina isə ABŞ-yə 4:2 hesabı ilə qalib gəliblər.

15:18

Bakıda təşkil olunan minifutbol üzrə dünya çempionatında daha bir oyun başa çatıb.

Oxu.Az xəbər verir ki, Milli Gimnastika Arenasında reallaşan qarşılaşmada ABŞ və Polşa yığmaları üz-üzə gəliblər.

Milli Gimnastika Arenasında baş tutan F qrupunun matçında qapılara qol vurulmayıb.

Xatırladaq ki, ilk turda Polşa Qazaxıstandan 2:1, Bosniya və Herseqovina isə ABŞ-dən 4:2 hesabı ilə üstün olub.

14:00

Bakıda təşkil olunan minifutbol üzrə dünya çempionatının dördüncü gününün ilk oyunu yekunlaşıb.

Oxu.Az xəbər verir ki, Milli Gimnastika Arenasında gerçəkləşən qarşılaşmada H qrupunun II turu çərçivəsində Qana yığması İsrail ilə üz-üzə gəlib.

Matç İsrailin 4:0 hesablı qələbəsi ilə başa çatıb.

Qeyd edək ki, ilk turda Qana İspaniyaya, İsrail isə Serbiyaya məğlub olub.

08:00