Bakıda Özilin forması üstündə dava düşdü - VİDEO

Ötən gün Bakıda baş tutan “Qarabağ” – “Arsenal” matçından sonra xoşagəlməz insident baş verib.

Oxu.Az-ın xəbərinə görə, oyundan qurtardıqdan sonra London təmsilçisinin türk əsilli futbolçusu Məsut Özil formasını tribunalardakı azarkeşlərə atıb.

Lakin azarkeşlər Özilin formasını bölüşdürə bilməyiblər və onlar arasında dava düşüb.

Oxu: Özil Azərbaycan dilində paylaşım etdi

Xatırladaq ki, Bakı Olimpiya Stadionunda keçirilən qarşılaşma “Arsenal”ın 3:0 hesablı qələbəsi ilə yekunlaşıb.

Qonaq komandanın heyətində Sokratis Papastatopulos, Emil Smit-Rouv və Matteo Guendouzi müvafiq olaraq 4, 53 və 80-ci dəqiqələrdə fərqləniblər.

İki turdan sonra E qrupuna birinci və ikinci yerləri altı xalla “Arsenal” və “Sportinq” bölüşdürürlər.

“Qarabağ” və “Vorskla”nın isə hesabında xal yoxdur.

Bakıda Özilin forması üstündə dava düşdü - VİDEO

www.oxu.az