"Barselona" Neymarın qarşısına şərt qoyub

Braziliyalı futbol ulduzu Neymar vaxtilə oynadığı İspaniyanın "Barselona" klubuna qayıtması üçün bir şərtə əməl etməli olacaq.

Oxu.Az "Diario Sport" nəşrinə istinadən xəbər verir ki, kataloniyalılar bildiriblər ki, əgər Neymar mövsümün sonuna qədər 15 və daha çox qol vurarsa, transferi nəzərdən keçirəcəklər.

Bundan əvvəl Braziliya mətbuatı Neymarın "Barselona"ya qayıtmaq istədiyi barədə məlumatlar yaymışdı.

Xatırladaq ki, bir müddət öncə "Santos"a keçən Neymar artıq üç qol vurub. Yeddi oyuna çıxan ulduz hücumçu dörd dəfə matçın ən yaxşısı seçilib. O, həmçinin üç məhsuldar ötürmə edib.

Qeyd edək ki, 33 yaşlı hücumçu 2013-17-ci illərdə "Barselona"da çıxış edib.