"Bavariya"nın qapıçısı Manuel Noyer UEFA Çempionlar Liqasının əsas mərhələsinin 4-cü turunda PSJ-yə qarşı (2:1) matçın ən yaxşı oyunçusu adına layiq görülüb.
Oxu.Az sport-express.net-ə istinadən xəbər verir ki, 39 yaşlı alman qolkiper oyunda səkkiz qurtarışla yadda qalıb.
UEFA texniki müşahidəçilər qrupu Noyerin PSJ-nin güclü təzyiqinə rəğmən kritik anlarda qurtarışlarını xüsusi fərqləndirib.
Qeyd edək ki, "Bavariya" komandası dörd turdan sonra 12 xal toplayaraq liderliyə yüksəlib. PSJ isə dünən Çempionlar Liqasının bu mövsümündə ilk məğlubiyyətini alıb və turnir cədvəlində 9 xalla üçüncü yerdə qərarlaşıb.
