"Sumqayıt" - "Araz-Naxçıvan" oyununda qalib müəyyənləşmədi

Azərbaycan Premyer Liqasının XXI turunda "Sumqayıt" "Araz-Naxçıvan"la qarşılaşıb.

Oxu.Az xəbər verir ki, Sumqayıt şəhər stadionunda baş tutan oyunda hesab açılmayıb.

"Araz-Naxçıvan" 43 xalla turnir cədvəlində ikinci, "Sumqayıt" isə 22 xalla altıncıdır.

Qeyd edək ki, turun əvvəlki oyunlarında "Kəpəz" "Sabah"ı 3:2, "Neftçi" isə "Şamaxı"nı 1:0 hesabı ilə məğlub edib. "Turan Tovuz" - "Səbail" matçında isə qalib müəyyənləşməyib - 1:1.

18:24

Azərbaycan Premyer Liqasının XXI turunda "Turan Tovuz" "Səbail"lə bərabərə qalıb.

Oxu.Az xəbər verir ki, Tovuz şəhər stadionunda baş tutan matçda tərəflər hərəyə 1 dəfə fərqləniblər.

Oyunda hesab 29-cu dəqiqədə açılıb. Meydan sahiblərinin heyətində Alexandro Serrano fərqlənib. 45+2-ci dəqiqədə qırmızı vərəqə alan Kauan Martins qərb təmsilçisini meydanda azlıqda qoyub. Qonaqları məğlubiyyətdən xilas edən qola isə Madi Queta imza atıb. 82-ci dəqiqədə baş zərbəsi ilə rəqib torunu silkələyən oyunçu "dənizçilər"ə 1 xal qazandırıb.

36 xalı olan "Turan Tovuz" dördüncü, 16 xala malik "Səbail" isə sonuncu - onuncudur.

Qeyd edək ki, turun əvvəlki oyunlarında "Kəpəz" "Sabah"ı 3:2, "Neftçi" isə "Şamaxı"nı 1:0 hesabı ilə məğlub edib.

09:37

Bu gün Misli Premyer Liqasında XXI turun daha iki oyunu keçiriləcək.

Oxu.Az xəbər verir ki, günün ilk görüşündə "Turan Tovuz" "Səbail"i sınağa çəkəcək. Tovuz şəhər stadionundakı qarşılaşma 16:00-da başlayacaq.

"Turan Tovuz" 35 xalla dördüncü sırada yer alıb. 15 xala malik "Səbail" isə sonuncu - onuncudur.

Günün digər görüşündə "Araz-Naxçıvan" səfərdə "Sumqayıt"ın qonağı olacaq. Mehdi Hüseynzadə adına Sumqayıt şəhər stadionunda baş tutacaq matçın start fiti saat 18:30-da çalınacaq.

Turnir cədvəlində "Araz-Naxçıvan" 42 xalla ikinci, 21 xalı olan "Sumqayıt" isə altıncı yerdə qərarlaşıblar.

Misli Premyer Liqası

III dövrə, XXI tur

1 fevral

16:00. "Turan Tovuz" - "Səbail"

Hakimlər: Tural Qurbanov, Vüsal Məmmədov, Rəhman İmami, Elvin Bayramov

VAR: Rauf Allahverdiyev

AVAR: Kamran Bayramov

Hakim-inspektor: Babək Quliyev

AFFA nümayəndəsi: Nəriman Axundov

Tovuz şəhər stadionu.

18:30. "Sumqayıt" - "Araz-Naxçıvan"

Hakimlər: Cavid Cəlilov, Müslüm Əliyev, Eyyub İbrahimov, Kamran Əliyev

VAR: Əliyar Ağayev

AVAR: Zeynal Zeynalov

Hakim-inspektor: Ömər Paşayev

AFFA nümayəndəsi: Anar Şixəliyev

Mehdi Hüseynzadə adına Sumqayıt şəhər stadionu.

Qeyd edək ki, turun əvvəlki oyunlarında "Kəpəz" "Sabah"ı 3:2, "Neftçi" isə "Şamaxı"nı 1:0 hesabı ilə məğlub edib.