Bakı 2015 I Avropa Oyunlarında karatenin kumite növündə 75 kq çəkidə qızıl medal qazanan Rafael Ağayev və 84 kq çəkidə qızıl medal qazanan Ayxan Mamayev Oxu.Az İnformasiya Agentliyində qonaq olublar.
Çempionlar redaksiyanın fəaliyyəti ilə tanış olublar.
Qeyd edək ki, Avropa Oyunlarında karatenin kumite növündə 75 kq çəkidə yığmamızın lideri Rafael Ağayev İlya Nikulinlə 3:0 hesabı ilə, Noa Bitşlə 1:0 hesabı ilə, Luici Busana 1:0 hesabı ilə qalib gəlib və Bakı 2015 Birinci Avropa Oyunlarının qızıl medalını qazanıb.
Digər qonağımız karatenin kumite növündə 84 kq çəkidə mübarizə aparan Ayxan Mamayev yunan, ukraynalı və fransız rəqibləri ilə döyüşlərdə 2 qələbə qazanmaqla - müvafiq olaraq, 0:0, 6:3, 6:1 - yarımfinal mərhələsinə adlayıb, daha sonra o Mixail Geordios Tzanosu məğlub edərək, qızıl medala sahib çıxıb.
Qeyd edək ki, bir müddət əvvəl Rafael Ağayev Oxu.Az-ın “Oyundan kənar” rubrikasının qonağı olub.
Növbəti dəfə isə Oxu.Az oxucularını Ayxan Mamayev “Oyundan kənar” həyatı ilə tanış edəcək.
E.Ə.
www.oxu.az
