Bakıda keçirilən cüdo üzrə dünya çempionatında Azərbaycan millisi qarışıq komanda yarışlarında medal qazana bilməyib.
Oxu.Az xəbər verir ki, yığmamız bürünc medal uğrunda görüşdə Rusiya millisinə 1:4 hesabı ilə uduzub.
Bununla da bürünc medallardan biri Rusiya millisinə qismət olub.
15:06
Cüdo millimiz təsəlliverici yarışda Hollandiya yığmasını 4:2 məğlub edib.
Oxu.Az xəbər verir ki, komandamız bürünc medal uğrunda yarışda Rusiya ilə qarşılaşacaq.
Finalda isə Yaponiya və Fransa yığmaları qarşılaşacaq. Bürünc medal uğrunda digər görüşdə Almaniya və Koreyanın birləşmiş komandası yarışacaq.
11:48
Bakıda keçirilən cüdo üzrə dünya çempionatında millimiz 1/4 final görüşünə çıxıb.
Oxu.Az xəbər verir ki, komandamız 2:4 hesabı ilə DÇ-nin favoriti sayılan Yaponiya millisinə uduzub.
Komandamız bürünc medal qazanmaq üçün təsəlliverici yarışlara qatılacaq.
10:12
Bakıda keçirilən cüdo üzrə dünya çempionatının son günündə altı idmançıdan ibarət qarışıq komanda yarışlarına start verilib.
Oxu.Az xəbər verir ki, səkkizinci yarış günündə mübarizəyə 1/8 final mərhələsindən başlayan Azərbaycan millisi Avstriya ilə qarşılaşıb və 4:1 hesabı ilə qalib gəlib.
Komandamızda Günel Həsənli (70 kq) istisna olmaqla, İçinxorlu Munxtsedev (57 kq), İrina Kindzerskaya (+70 kq), Tural Səfquliyev (90 kq) və Uşanqi Kokauri (+90 kq) avstriyalı rəqiblərindən üstün olub. Hesab 4:1 olduğundan, Hidayət Heydərovun (73 kq) tatamiyə çıxmasına ehtiyac olmayıb.
Qeyd edək ki, millimizin 1/4 finaldakı rəqibi Monqolustanı məğlub etmiş Yaponiya olacaq.
Səbuhi MUSAYEV
www.oxu.az
Rəylər