Argentinanın Buenos Ayres şəhərində artıq bir neçə gündür ki, “Dakar” rallisi başlayıb.
Oxu.Az xəbər verir ki, “Dakar” (uzun illər “Ralli Paris-Dakar” kimi məşhur olub) fransız Tyerri Sabin tərəfindən təşkil edilən illik trans-qitə ralli-marafondur.
“Dakar” 1978-ci ildən keçirilir. Ralli Cənubi Amerikaya keçirilənə qədər (2009) yarış Seneqalın paytaxtı Dakardan başlayıb və sona çatırdı.
Yarışlarda peşəkar idmançılarla yanaşı, həvəskarlar da iştirak edəcəklər (onların sayı 80%-ə çatır). Müxtəlif ölkələrdə çoxsaylı mərhələlərdən ibarət olan və çempion xal sayı ilə aşkar edilən dünya çempionatı (WRC) klassik rallidən fərqli olaraq, “Dakar”da yarışlar bir qayda olaraq ilin əvvəlində başlayır və son məntəqəyə çatarkən bitir. Bütün məsafə müxtəlif sahələrə bölünür.
Marşrutu ən qısa zaman ərzində başa vuran qalib olur. Bundan başqa, “Dakar”da ralli avtomobillərinin yarışından başqa motosiklet, kvadrosikl və yük maşınları arasında da yarış mövcuddur – hər yarışda ralli-reydin qalibi seçilir.
“Dakar-2015” reydi yanvarın 4-dən 17-nə qədər keçirilir. Rallinin marşrutu Argentina, Çili və Boliviya ərazisindən keçir.
www.oxu.az
