2026-cı il dünya çempionatında D qrupunda mübarizə davam edir.
Oxu.Az xəbər verir ki, qrupun ikinci matçında Türkiyə yığması Avstraliya ilə qarşılaşıb.
Oyunda hesabı 27-ci dəqiqədə Avstraliya açıb. Əks hücum zamanı Nestori İrankunda müdafiəçilərdən ustalıqla sıyrılaraq topu Uğurcan Çakırın qoruduğu qapıdan keçirib.
İlk hissədə başqa qol vurulmayıb.
İkinci hissədə Avstraliya əks hücum zamanı növbəti dəfə fərqlənib. Metkalf dəqiq zərbə ilə hesab arasındakı fərqi 2-yə çatdırıb.
Matç bu hesabla da başa çatıb - 2:0.
Qeyd edək ki, bu qrupun ilk oyununda ABŞ millisi Paraqvaya 4:1 hesabı ilə qalib gəlmişdi.
Matçda ikinci qol vurulub.
Oxu.Az xəbər verir ki, "BC Place Vancouver" stadionunda keçirilən D qrupunun matçında "ay-ulduzlu"lar növbəti qolu buraxıblar - 2:0.
75-ci dəqiqədə Konnor Metkalf uzaq məsafədən qapını dəqiq nişan alıb.
Oyunda hesab açılıb.
Oxu.Az xəbər verir ki, matçın 27-ci dəqiqəsində Avstraliya millisinin heyətində İrankunda fərqlənib - 1:0.
2026-cı il futbol üzrə dünya çempionatının D qrupunun ilk matçı kimi diqqət çəkən Avstraliya - Türkiyə qarşılaşması oynanılır.
Oxu.Az xəbər verir ki, oyun Bakı vaxtı ilə saat 08:00-da başlayıb.
Xatırladaq ki, Türkiyə yığması mötəbər turnirin qrup mərhələsində həmçinin ABŞ və Paraqvay milliləri ilə də qüvvəsini sınayacaq.
