2026-cı il futbol üzrə dünya çempionatının C qrupunda Mərakeş və Haiti milliləri qarşılaşıblar.
Oxu.Az xəbər verir ki, ABŞ-nin Atlanta şəhərində yerləşən "Mercedes-Benz Stadium"da keçirilən qarşılaşma Mərakeş millisinin 4:2 hesablı qələbəsi ilə yekunlaşıb.
Bu nəticədən sonra Mərakeş millisi beş xalla C qrupunu ikinci pillədə başa vuraraq pley-offa vəsiqə qazanıb. Haiti yığması isə bir xalla sonuncu yerdə qərarlaşıb və turniri tərk edib.
C qrupunun digər oyununda Şotlandiya və Braziliya milliləri üz-üzə gəliblər.
ABŞ-nin Mayami şəhərində yerləşən "Hard Rock" stadionunda keçirilən görüşü meksikalı baş hakim Sesar Ramos Palasuelos idarə edib.
Qarşılaşma Braziliya millisinin 3:0 hesablı qələbəsi ilə yekunlaşıb.
Braziliya yığmasının heyətində yarımmüdafiəçi Vinisius Junior iki dəfə fərqlənib. Digər qolu isə hücumçu Mateus Kunya vurub.
Bu nəticədən sonra Braziliya millisi yeddi xalla C qrupunun qalibi olub və pley-offa vəsiqə qazanıb. Şotlandiya yığması isə üç oyundan topladığı üç xalla qrupu üçüncü pillədə başa vurub.
