Didye Deşam postunu kimə təhvil vermək istədiyini AÇIQLADI

Fransa millisinin baş məşqçisi Didye Deşam bu postda onu əvəzləyəcək əsas namizəd kimi Zinəddin Zidanı göstərib.

Oxu.Az "L'Equipe"-yə istinadən xəbər verir ki, D.Deşam açıqlamasında həmyerlisi və keçmiş komanda yoldaşı haqqında xoş sözlər deyib:

"Bizim bir-birimizə böyük hörmətimiz var. Axırıncı dəfə 2023-cü ilin yayında görüşmüşük. Gələn ilin yayında yenidən görüşməliyik. Zidan əla namizəddir. Təbii olaraq əlavə edərdim ki, gözlənilən namizəddir. Amma onun bunu istəyib-istəmədiyini bilmirəm".

Deşam 2026-cı il dünya çempionatından sonra vəzifəsini tərk edəcəyini açıqlayıb.

Qeyd edək ki, onun rəhbərliyi altında Fransa millisi DÇ-2018-in qalibi olub, dörd il sonra isə sözügedən turnirdə gümüş medal qazanıb.