Əyyub Allaş "Araz-Naxçıvan"da - Altı aylıq müqavilə imzalandı

Azərbaycan Premyer Liqasında Avrokuboklara iddialı olan "Araz-Naxçıvan" klubu ilk transferini "Qəbələ"nin sabiq futbolçusu Əyyub Allaşla edib.

Oxu.Az xəbər verir ki, Mərakeş əsilli belçikalı yarımmüdafiəçi Moldovanın "Şerif" klubunda əsas heyətə düşə bilmədiyi üçün müqaviləyə qarşılıqı razılıq əsasında xitam verilib.

Əyyub Allaşı transfer edən "Araz-Naxçıvan" klubu futbolçu ilə altı aylıq müqavilə imzalayıb.

Xatırladaq ki, Əyyub Allaş 2023-cü ilin yanvarından 2024-cü ilin may ayına qədər "Qəbələ"də çıxış edib. 26 yaşlı futbolçu bu müddətdə "qırmızı-qaralar"ın heyətində meydana çıxdığı 40 rəsmi matçda 7 qol və 10 məhsuldar ötürmə ilə yadda qalıb.

Qeyd edək ki, Əyyub Allaşın "Transfermarkt" portalındakı transfer məbləği 500 min avro olaraq göstərilib.